LUSU Pakittow NOW. Mek’ a WAKA FRI, yu TAKRU(maniri)SANI! Mek a man san LOBI SRANAN komoto na Santoboma, a presi pe yu ben mus de nownow de! San du Sranan, dat a takruwan e sidon f’en hey, e tek plane frey, lek na wilde bus?
San mit’ wi dya, a dyakasa, san du wi ini a kondre, tak’ wan ondrogronman tek hey presi fu saka’ w gwa ondro? A kan, mi aksi unu efu a kan, mi Srananman. A kan taki wan op’ede man, suma m’ma nanga p’pa no leri en fu libi nanga sma, kon kori wi taki, a o yepi wi? Ma now di a s’don, now di a feni Bigi sturu s’don, ay frey lek’ wan fowru; fowru srefi no e frey lek’ en.
Efu a ben leri sensi pkin ten, fu libi nanga trawan, kande a no bo fufuru tumsi bigi moni now. Ma sens di un sabi taki noti fu dati a no sabi, en no wan firi a no abi taki wi alamala musu libi; soso en nanga en famiri ay denki. A bigi skoro na bakrakondre di yu go, no leri yu ooktu ‘fa a san dati e wroko. Dan efu yu no man libi nanga sma, dan a hey skoro pe yu go, no du noti gi yu! Dan san y’e du dya? Efu boyti yu IQ, no wan EQ yu no abi, dan fu san ede yu no teki wan wroko pe yu no abi fu wroko anga libisma? Ofa Chan, Ofa nanga dati? Mi e aksi yu nanga swit’ mofo, ma anga bita ati fu lusu a sturu; KOMOTO!
Dan yu ab ‘ dek’ati fu taki: suma broko s’ma presi ini a foto? Na drey ay yu abi mek’ yu e aksi so? Ef’ na tonton fu yu no grabu, tak na dondon ati bron fu a Sranan pipel, bos kon na doro 17 februari. Ma a atibron no saka ete en yu wan sabi fu san ede? 1. PAKKITOW SROTO, 2. NANGA OPO DORO YU E FUFURU GROFUÂ 3.YU E SIDON DAPE ETE! Un atibron NO e saka, YU KAN SABI. A ATIBRON disi e SAKA, te YU e LIBI A STURU GWE. LUSU PAKITTOW NOWNOW DE!
 FREE PAKITTOW!
Trish
