[Luangu Masra]

Odi odi brada nanga sa.

Wan swit kon na ini, na a puwema neti disi.

Dya yu kan poti yu eygi puwema, noso wan puwema di taki nanga yu.

Wan swit neti moro fara.

[Luangu Masra]

BRO

no pori mi prakseri noyaso,
no kari mi fu luku no wan pe,
tide mi ati trusu mi fu go
te na wan tiri kriki farawe.

no tak' na lon mi wani lon gowe
fu di mi frede strei èn krei nomo,
ma kondre b'bari lontu mi so te,
san mi mu du, mi ati wani bro.

na kriki-sei dren kondre mi sa si,
pe alasani moro swit' lek dya
èn skreki-tori no sa trobi mi.

te m'drai kon baka sonten mi sa tron
wan p'kinso moro betre libisma,
di sabi lafu, sabi tek' fonfon.

Trefossa
(uit Trotyi, 1957)